नेपाली कांग्रेसका नेता विमलेन्द्र निधिले अहिले राजनीतिभन्दा माथि उठेर मानवीय सेवामा केन्द्रित हुनुपर्ने बताएका छन्।
जनकपुरमा आयोजित लायन्स क्लबको कार्यक्रममा बोल्दै निधिले भदौ १० मा भोटेकोशीमा ठूलो बाढी जाँदा धनजनको क्षति भएको बताए।
‘हामीले अहिलेसम्म यति ठूलो विपत्ति व्यहोरेका थिएनौं। यस्तो बेला जात, वर्ण, लिङ्ग, धर्म र राजनीतिभन्दा माथि उठेर मानवीय सेवामा केन्द्रित हुनुपर्छ। ४,९०० भन्दा बढी मानिस अझै सम्पर्कविहीन छन्। मधेस प्रदेशमा मात्रै १६२ जना सम्पर्कविहीन रहेको जानकारी छ,’ उनले भने।
उनले यस्तो विपत्ति यसअघि नभोगिएको पनि बताए।
‘अहिलेका तीन प्राथमिक काम हुन्, उद्धार, राहत र पुनर्निर्माण। सबैभन्दा पहिलो प्राथमिकता भनेको उद्धार र मानवीय जीवन बचाउनु हो,’ उनले भने।
- न्युज एजेन्सी नेपाल
-1746009348.jpg)
